சின்ன வெட்டாற்று பாலம் அருகே ஆண் பிணம்

நாகூர்:

நாகூர் சின்ன வெட்டாற்று பாலம் அருகே 50 வயது மதிக்கத்தக்க ஆண் ஒருவர் பிணமாக கிடப்பதாக நாகூர் போலீசாருக்கு தகவல் கிடைத்தது. அதன்பேரில், சம்பவ இடத்திற்கு போலீசார் விரைந்து சென்று உடலை கைப்பற்றி பிரேத பரிசோதனைக்காக நாகை அரசு ஆஸ்பத்திரிக்கு அனுப்பி வைத்தனர். இறந்தவர் நீலக்கலர் கட்டம் போட்ட கைலியும், கட்டம் போட்ட வெள்ளை சட்டையும் அணிந்து இருந்தார். இதுகுறித்து போலீசார் வழக்குப்பதிவு செய்து அவர் யார்?, எப்படி இறந்தார்? என்று விசாரணை நடத்தி வருகின்றனர்.