கொடைரோட்டில் ரெயில் தண்டவாளத்தில் ஆண் பிணம்

கொடைரோடு அம்மாபட்டி ரெயில்வே கேட் அருகே ரெயில் தண்டவாளத்தில் இன்று காலை 50 வயது மதிக்கதக்க ஆண் ஒருவர் படுகாயத்துடன் இறந்துகிடந்தார். இதுகுறித்து தகவல் அறிந்த கொடைரோடு ரெயில்வே போலீஸ் சிறப்பு சப்-இன்ஸ்பெக்டர் சுந்தரகுமார் மற்றும் போலீசார் சம்பவ இடத்திற்கு விரைந்து வந்து விசாரணை நடத்தினர்.

பின்னர் அவரது உடலை கைப்பற்றி பிரேத பரிசோதனைக்காக திண்டுக்கல் அரசு மருத்துவமனைக்கு அனுப்பி வைத்தனர். இறந்து கிடந்தவர் நீல வண்ண கட்டம் போட்ட கைலி மட்டும் அணிந்திருந்தார். அவரது இடது கையில் என்.மூர்த்தி என்று பச்சை குத்தியிருந்தார். இருப்பினும் அவர் யார்? எந்த ஊரை சேர்ந்தவர்? என்பது தெரியவில்லை.

அதேபோல் அவர் ரெயிலில் அடிபட்டு இறந்தாரா? அல்லது ரெயில் முன் பாய்ந்து தற்கொலை செய்து கொண்டாரா? என்பதும் தெரியவில்லை. இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.