நம்புதாளையில் ஆண் பிணம்

தொண்டி,

தொண்டி அருகே உள்ள நம்புதாளையில் கிழக்கு கடற்கரை சாலை அருகில் 50 வயது மதிக்கத்தக்க அடையாளம் தெரியாத ஆண் பிணம் தண்ணீரில் மிதந்தது. இதுகுறித்து கிராம நிர்வாக அலுவலர் ராஜேஷ் தொண்டி போலீசில் புகார் அளித்தார். அதன்பேரில் போலீசார் சம்பவ இடத்திற்கு விரைந்து சென்று இறந்தவரின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். அவர் வெள்ளைச்சட்டையும், ஊதா நிற கைலியும் அணிந்திருந்தார். அவர் யார்? எந்த ஊரை சேர்ந்தவர்? என்பது குறித்து போலீசார் விசாரணை நடத்தி வருகின்றனர்.