பாமணி ஆற்றில் ஆண் பிணம்

நீடாமங்கலம்:

நீடாமங்கலம் அருகே பாமணி ஆற்றில் ஆண் ஒருவர் பிணமாக கிடந்தார். இவரை யாராவது கொலை செய்து உடலை ஆற்றில் வீசி சென்றனரா? என போலீசார் விசாரணை நடத்தி வருகின்றனர்.

ஆற்றில் ஆண் பிணம்

திருவாரூர் மாவட்டம் நீடாமங்கலத்தை அடுத்த சித்தமல்லி ஊராட்சி வெள்ளங்குழி ரோடு அருகே பாமணி ஆற்றில் நேற்று முன்தினம் அடையாளம் தெரியாத 40 வயது மதிக்கத்தக்க ஆண் பிணம் கிடப்பதாக போலீசாருக்கு தகவல் கிடைத்தது.

அதன்பேரில் நீடாமங்கலம் போலீசார் சம்பவ இடத்திற்கு சென்று ஆற்றில் இருந்து உடலை மீட்டு மன்னார்குடி அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர்.

போலீசார் விசாரணை

மேலும் இதுதொடர்பாக போலீசார் வழக்குப்பதிவு செய்த ஆற்றில் பிணமாக கிடந்தவர் யார்? எந்த ஊரை சேர்ந்தவர்?, அவர் குளத்தில் தவறி விழுந்து இறந்தாரா? அல்லது யாராவது அவரை கொலை செய்து உடலை ஆற்றில் வீசி சென்றனரா? என பல்வேறு கோணங்களில் விசாரணை நடத்தி வருகின்றனர்.