வாய்க்காலில் ஆண் பிணம்

சீர்காழி:

சீர்காழி அருகே வாய்க்காலில் ஆண் ஒருவர் பிணமாக கிடந்தார். இதுதொடர்பாக போலீசார் விசாரணை நடத்தி வருகின்றனர்.

வாய்க்காலில் பிணம்

சீர்காழி அருகே சட்டநாதபுரம் கைகாட்டியிலிருந்து பனமங்கலம் செல்லும் பழைய சாலை அருகே உள்ள வாய்க்காலில் ஒரு ஆண் பிணம் கிடந்துள்ளது.

இதை அந்த வழியாக சென்றவர்கள் பார்த்து சீர்காழி போலீசாருக்கு தகவல் தெரிவித்தனர்.அதன்பேரில் போலீசார் சம்பவ இடத்துக்கு வந்து வாய்க்காலில் இருந்து உடலை மீட்டு பிரேத பரிசோதனைக்காக சீர்காழி அரசு ஆஸ்பத்திரிக்கு அனுப்பி வைத்தனர்.

போலீசார் விசாரணை

பிணமாக கிடந்தவரின் முகம் சிதைந்த நிலையில் இருந்ததால் அவர் யார் என்பது அடையாளம் காணமுடியவில்லை.

இதுகுறித்து சீர்காழி போலீசார் வழக்குப்பதிவு செய்து வாய்க்காலில் பிணமாக கிடந்தவர் யார்? எந்த ஊரை சேர்ந்தவர்? அவர் வாய்க்காலில் தவறி விழுந்து இறந்தாரா? அல்லது யாராவது கொலை செய்து உடலை வீசி சென்றனரா? என பல்வேறு கோணங்களில் விசாரணை நடத்தி வருகின்றனர்.