போடிநாயக்கன்பட்டி ஏரி அருகே ஆண் பிணம் -யார் அவர்? போலீஸ் விசாரணை

சூரமங்கலம்:

சேலம் சூரமங்கலம் அடுத்துள்ள போடிநாயக்கன்பட்டி ஏரி அருகே சுமார் 40 வயது மதிக்கத்தக்க ஆண் ஒருவர் பிணமாக கிடப்பதாக சூரமங்கலம் போலீசாருக்கு தகவல் கிடைத்தது. அதன் பேரில் சப்-இன்ஸ்பெக்டர் ராஜசேகர் மற்றும் போலீசார் சம்பவ இடத்திற்கு சென்று பிணத்தை கைப்பற்றி பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். தொடர்ந்து போலீசார் வழக்குப்பதிவு செய்து, பிணமாக கிடந்தவர் யார்?, எந்த ஊரை சேர்ந்தவர்? என்பது குறித்து விசாரணை நடத்தி வருகின்றனர்.