பண்ருட்டியில் தொழிலாளியை கத்தியால் வெட்டியவருக்கு வலைவீச்சு

பண்ருட்டி,

பண்ருட்டி திருவதிகை செட்டிப்பட்டறை காலனியை சேர்ந்தவர் சக்திவேல்(வயது 45). தொழிலாளி. சம்பவத்தன்று இவர் அதே பகுதியில் வசிக்கும் தனது அக்காள் ஜெயா வீட்டின் முன்பு நின்று கொண்டிருந்தார். அப்போது அங்கு வந்த அதே பகுதியை சேர்ந்த அகிலன் என்பவர், சக்திவேலை ஆபாசமாக திட்டினார். இதை சக்திவேல் கண்டித்தார். இதனால் ஆத்திரமடைந்த அகிலன், தான் வைத்திருந்த சிறிய கத்தியால், சக்திவேலின் தலையில் வெட்டினார். இதில் காயமடைந்த அவர் பண்ருட்டி அரசு மருத்துவமனையில் சிகிச்சை பெற்றார். இதுகுறித்த புகாரின்பேரில் பண்ருட்டி போலீசார் வழக்குப்பதிவு செய்து தலைமறைவான அகிலனை வலைவீசி தேடி வருகின்றனர்.