மோட்டார் சைக்கிளில் இருந்து தவறி விழுந்தவர் சாவு

திருமங்கலம்,

விருதுநகர் பாண்டியன் நகரை சேர்ந்தவர் சிவசங்கர் (வயது 56). இவர் சம்பவத்தன்று சொந்த வேலை காரணமாக விருதுநகரில் இருந்து மதுரை நோக்கி மோட்டார் சைக்கிளில் சென்றார். அங்கு வேலைகளை முடித்துவிட்டு மீண்டும் விருதுநகர் நோக்கி திரும்பி வந்து கொண்டிருந்தார். வரும் வழியில் கள்ளிக்குடி ஊராட்சி ஒன்றிய அலுவலகம் எதிரே மோட்டார் சைக்கிளில் வந்த போது, எதிர்பாராத விதமாக நிலைதடுமாறி தவறி கீழே விழுந்தார். இதில் படுகாயம் அடைந்த அவரை உடனடியாக மீட்டு விருதுநகர் அரசு மருத்துவமனையில் சிகிச்சைக்கு அனுப்பி வைத்தனர். சிகிச்சையில் இருந்த சிவசங்கர் சிகிச்சை பலனின்றி இறந்தார். இது தொடர்பாக அவரது மகன் ஹரிஹரசுந்தரம் கொடுத்த புகாரின் பேரில் கள்ளிக்குடி போலீசார் வழக்கு பதிவு செய்து விசாரித்து வருகின்றனர்.