ஆட்டோவில் பேட்டரி திருடியவர் கைது

ஆரணி

ஆரணியை அடுத்த குன்னத்தூர் கிராமத்தைச் சேர்ந்தவர் தமிழ்ச்செல்வன் (வயது 30). இவர் தனக்கு சொந்தமான ஆட்டோவில் காய்கறி வியாபாரம் செய்து வருகிறார்.

இன்று பிற்பகல் தனது வாகனத்தை ஆரணி கோட்டை பகுதியில் உள்ள பி.எஸ்.என்.எல். அலுவலகம் முன்பாக நிறுத்திவிட்டு சென்றார்.

சிறிது நேரத்திலேயே திரும்பி வந்து பார்க்கும்போது ஆட்டோவில் இருந்த பேட்டரி திருட்டு போனது தெரியவந்தது. இதுகுறித்து தமிழ்ச்செல்வன் ஆரணி டவுன் போலீசில் புகார் கொடுத்தார்.

அதன்பேரில் சப்-இன்ஸ்பெக்டர் சுந்தரேசன் வழக்குப்பதிவு செய்து விசாரணை நடத்தினார். அப்போது, பேட்டரியை திருடியது ஆரணி கொசப்பாளையம் களத்துமேட்டு தெருவை சேர்ந்த பழைய குற்றவாளி பிரபு (37) என்பது தெரிந்தது.

இதையடுத்து பேட்டரியை போலீசார் பறிமுதல் செய்தனர். மேலும் பிரபுவை கைது செய்து, அவரிடம் விசாரணை நடத்தி வருகின்றனர்.