மாணிக்கவாசக சாமிகள் குருபூஜை விழா

வேதாரண்யம்:

வேதாரண்யம் வேதாரண்யேஸ்வரர் கோவில் நடராஜசாமி சன்னதியில் மாணிக்கவாசகர் திருஉருவ சிலை வைக்கப்பட்டு சிறப்பு அபிஷேக ஆராதனை நடந்தது. பின்னர் நடராஜர், தியாகராஜர், மாணிக்கவாசகருக்கு வண்ண மலர்களால் அலங்கரிக்கப்பட்டு சிறப்பு தீபாராதனை நடந்தது. தொடர்ந்து வேதாரண்யம் மேலவீதியில் உள்ள மாணிக்கவாசக சுவாமிகள் மடத்தில் மாணிக்கவாசகர் திருஉருவ படம் வைக்கப்பட்டு, வண்ண மலர்களால் அலங்கரிக்கப்பட்டு சிறப்பு தீபாராதனை நடந்தது. இதில் யாழ்ப்பாணம் கரணவாய் வரணி ஆதீனம் மற்றும் மாணிக்கவாசக மடத்தின் தர்மகர்த்தா செவ்வந்திநாத பண்டார சன்னதி, ஆதிவார மடம் நிர்வாகி குமரேசமூர்த்தி மற்றும் கல்லூரி பேராசிரியா்கள், பக்தா்கள் கலந்து கொண்டனர்.