வீரட்டானேஸ்வரர் கோவிலில் மாசிமக பெருவிழா

திருக்கோவிலூர்

திருக்கோவிலூர் கீழையூரில் பிரசித்திபெற்ற சிவானந்தவல்லி உடனுறை வீரட்டானேஸ்வரர் கோவிலில் மாசி மக பெருவிழா நாளை மறுநாள்(சனிக்கிழமை) கொடியேற்றத்துடன் தொடங்குகிறது. முன்னதாக நாளை(வெள்ளிக்கிழமை) வினாயகர் பூஜை நடக்கிறது. தொடர்ந்து 25-ந் தேதி கொடியேற்றமும், அதைத்தொடர்ந்து சந்திரசேகர் சாமிகள் கோவிலை வலம் வருதல் மற்றும் பஞ்சமூர்த்திகளுக்கு சிறப்பு தீபாராதனை உள்ளிட்ட நிகழ்ச்சிகள் நடைபெறுகிறது.

பின்னர் வருகிற 3-ந் தேதி(வெள்ளிக்கிழமை) மாலை 6 மணிக்கு சாமிக்கு திருக்கல்யாணம், 4-ந் தேதி பாரிவேட்டை, 5-ந் தேதி கட்டு தேர் ஆலய உள்வலம் வரும் நிகழ்ச்சி, 6-ந் தேதி மாசி மக தீர்த்தவாரி நடக்கிறது. தொடர்ந்து 7-ந் தேதி அம்மனுக்கு அபிஷேகமும், 8-ந் தேதி மகா சண்டிகேஸ்வரருக்கு மகா அபிஷேகமும் நடக்கிறது. 9-ந் தேதி விடையாற்றி உற்சவம் மற்றும் சிறப்பு தீபாராதனை நடக்கிறது. விழா ஏற்பாடுகளை இந்து சமய அறநிலையத்துறையினர், கோவில் நிர்வாகிகள், விழா குழுவினர், உபயதாரர்கள் மற்றும் பக்தர்கள் முன்னின்று செய்து வருகின்றனர்.