விவசாயிகள் ஆலோசனை கூட்டம்

திருத்துறைப்பூண்டியில் வேளாண்மை மற்றும் உழவர் நலத்துறை அட்மா திட்டத்தின் கீழ் விவசாயிகள் ஆலோசனை கூட்டம் நடந்தது. கூட்டத்திற்கு வேளாண்மை உதவி இயக்குனர் சாமிநாதன் தலைமை தாங்கினார். வட்டார விவசாயிகள் ஆலோசனை குழு தலைவர் நாகராஜன் முன்னிலை வகித்தார். வட்டார தொழில்நுட்ப மேலாளர் வேம்புராஜலட்சுமி வரவேற்றார். அப்போது வேளாண்மை உதவி இயக்குனர், தோட்டக்கலை மற்றும் மலைப்பயிர்கள் துறை உதவி இயக்குனர் இளவரசன், வேளாண் பொறியியல் துறை உதவி பொறியாளர் கவுசல்யா ஆகியோர் வேளாண் திட்டங்கள் குறித்து விவசாயிகளுக்கு விளக்கம் அளித்தனர். இதில் வேளாண்மை அலுவலர் கிரிஜா, தோட்டக்கலை அலுவலர் மதுமிதா, வேளாண் வணிகம் மற்றும் விற்பனைத்துறை வேளாண் அலுவலர் நந்தினி மற்றும் பலர் கலந்து கொண்டனர். இதற்கான ஏற்பாடுகளை வட்டார உதவி தொழில்நுட்ப மேலாளர்கள் கார்த்திக், அகல்யா ஆகியோர் செய்து இருந்தனர்.