குடிநீர் உறிஞ்ச பயன்படுத்திய மோட்டார் பறிமுதல்

தலைஞாயிறு பேரூராட்சி செயல் அலுவலர் சரவணன், அனுமதியின்றி மோட்டார் வைத்து குடிநீர் பைப்புகளில் குடிநீர் உறிஞ்சுபவர்கள் மீது நடவடிக்கை எடுக்கப்படும் என எச்சரிக்கை விடுத்து இருந்தார். இந்த நிலையில் நேற்று தலைஞாயிறு 12-வது வார்டு கீழத்தெரு பகுதியில் பேரூராட்சி ஊழியர்கள் அனுமதியின்றி மோட்டார் வைத்து குடிநீர் உறிஞ்சிய 7 பேரின் வீட்டில் உள்ள மின்மோட்டார்களை பறிமுதல் செய்தனர். இதேபோல தலைஞாயிறு முழுவதும் அனுமதியின்றி மோட்டார் வைத்து குடிநீர் உறிஞ்சுபவர்களின் மோட்டார் பறிமுதல் செய்யப்படும் என்றும், குடிநீர் இணைப்பு துண்டிக்கப்படும் என்றும் பேரூராட்சி செயல் அலுவலர் சரவணன் தெரிவித்துள்ளார்.