மோட்டார் சைக்கிள் சாலையோரபள்ளத்தில் கவிழ்ந்து வாலிபர் சாவு

ஸ்ரீீவைகுண்டம்:

ஸ்ரீவைகுண்டம் அருகே உள்ள தோழப்பன்பண்ணை வடக்கு தெருவை சேர்ந்தவர் கந்தன். இவரது மகன் இசக்கிமுத்து (வயது 27). இவருக்கு திருமணமாகவில்லை. இவர் நேற்று சிவந்திப்பட்டியில் உள்ள தனது உறவினர் வீட்டிற்கு சென்று விட்டு மாலையில் வீடு திரும்பி கொண்டிருந்தார் அப்போது வல்லகுளம்-கால்வாய் செல்லும் போது ரோட்டில் மோட்டார் ைசக்கிள் கட்டுப்பாட்டை இழந்து நிலை தடுமாறி சாலையோரத்தில் கவிழந்து விபத்துக்குள்ளானது. இதில் மோட்டார் சைக்கிளில் இருந்து தூக்கி வீசப்பட்ட அவர் பலத்த காயங்களுடன் ரத்தவெள்ளத்தில் அதே இடத்தில் பரிதாபமாக பலியானார். இதுகுறித்துதகவல் அறிந்துவந்த சேரகுளம் போலீசார் அவருடைய உடலை மீட்டு பிரேத பரிசோதனைக்காக ஸ்ரீவைகுண்டம் அரசு மருத்துவமனைக்கு அனுப்பி வைத்தனர். மேலும் இந்த விபத்து குறித்து போலீசார்வழக்குப்பதிவு செய்து விசாரணை நடத்தி வருகின்றனர்.