மோட்டார் சைக்கிள்கள் மோதல்:தொழிலாளி படுகாயம்

ஸ்பிக்நகர்:

தூத்துக்குடி அருகே உள்ள முத்தையாபுரம் தங்கமணி நகர் பகுதியை சேர்ந்தவர் மாரியப்பன். இவரது மகன் மாரிமுத்து (வயது27). தொழிலாளி. இவர் மோட்டார் சைக்கிளில் தூத்துக்குடி- திருச்செந்தூர் சாலையில் சென்று கொண்டிருந்தார். தவசிபெருமாள்சாலை அருகே சென்றபோது, எதிரே வந்த மற்றொரு மோட்டார் சைக்கிளும், இவரது மோட்டார் சைக்கிளும் நேருக்கு நேர் மோதி விபத்துக்குள்ளாகின.

இதில் மோட்டார்சைக்கிளில் இருந்து தூக்கி வீசப்பட்ட மாரிமுத்து படுகாயம் அடைந்தார். அக்கம் பக்கத்தினர் அவரை மீட்டு 108 ஆம்புலன்ஸ் மூலம் தூத்துக்குடி அரசு ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இது குறித்து முத்தையாபுரம் போலீசார் வழக்கு பதிவு செய்து விசாரணை நடத்தி வருகின்றனர்.