முத்துமாரியம்மன் கோவில் குடமுழுக்கு

திட்டச்சேரி:

திருமருகல் ஒன்றியம் கட்டுமாவடி ஊராட்சி துண்டம் கிராமத்தில் முத்துமாரியம்மன் கோவில் உள்ளது. இந்த கோவில் குடமுழுக்கு விழா கடந்த 18-ந் தேதி அனுக்ஞை, விக்னேஸ்வர பூஜை, மகா சங்கல்பம், கணபதி, நவக்கிரக, லட்சுமி ஹோமத்துடன் தொடங்கியது. தொடர்ந்து அங்குரார்பணம், யாக சாலை அலங்காரம், சூரியகலாகர்சனம், கும்ப அலங்காரம், யாக சாலை பிரவேசம், மகாபூர்ணஹூதி, மகாதீபாராதனை நடந்தது. 20-ந் தேதி முத்துமாரி மூல மந்திர சக்தி ஹோமம், மருந்து சாத்துதல், 3-ம் கால யாகசாலை பூஜைகள், சுகாசினி பூஜை, சர்வ சக்தி மந்திர ஹோமம் நடந்தது. நேற்று காலை கோ பூஜை, ரக்சாபந்தனம், 4-ம் கால மகாபூர்ணஹூதி, காலை 9 மணியளவில் கடங்கள் புறப்பாடு நடைபெற்று காலை 10 மணிக்கு விமானங்கள் மற்றும் ராஜகோபுரங்களுக்கு புனிதநீர் ஊற்றப்பட்டு குடமுழுக்கும், தொடர்ந்து மூலஸ்தான குடமுழுக்கும் நடந்தது. இதில் சுற்று வட்டார பகுதிகளை சேர்ந்த திரளான பக்தர்கள் கலந்து கொண்டு சாமி தரிசனம் செய்தனர்.