விவசாயி மர்ம சாவு

சிவகங்கை அருகே உள்ள மதகுபட்டியை அடுத்த காடனேரி கிராமத்தை சேர்ந்தவர் காமராஜ் (வயது 52). விவசாயி. இவருக்கு மனைவியும், 3 மகன்களும், ஒரு மகளும் உள்ளனர். சம்பவத்தன்று காமராஜ் காடனேரியில் உள்ள தனது தென்னந்தோப்பில் மர்மமான முறையில் இறந்து கிடந்தார். இது குறித்து அறிந்த மாவட்ட போலீஸ் சூப்பிரண்டு செந்தில்குமார், துணை போலீஸ் சூப்பிரண்டு சாய் சவுண்டய்யன், தாலுகா இன்ஸ்பெக்டர் ரமேஷ் ஆகியோர் சம்பவ இடத்திற்கு சென்று விசாரணை செய்தனர். பின்னர் அவருடைய உடலை பிரேத பரிசோதனைக்காக சிவகங்கை அரசு மருத்துவக்கல்லூரி மருத்துவமனைக்கு அனுப்பி வைத்தனர். இது தொடர்பாக மதகுபட்டி போலீசார் வழக்குப்பதிவு செய்து விசாரணை நடத்தி வருகின்றனர்.