நங்கைமொழிகாளத்தீஸ்வரர் கோவிலில் மகாவித்யா கணபதி யாகம்

மெஞ்ஞானபுரம்:

மெஞ்ஞானபுரம் அருகே தென் காளஹஸ்தி என அழைக்கப்படும் ராகு, கேது பரிகார ஸ்தலமான நங்கைமொழி ஞானபிரசன்னாம்பிகை சமேத காளத்தீஸ்வரர் கோவிலில் அரசு தேர்வு எழுதும் மாணவர்கள் ஆரோக்கியத்துடன், நல்ல முறையில் தேர்வு எழுதி, அதிக மதிப்பெண்கள் பெற வேண்டி மகாவித்யா கணபதி யாகம் நடந்தது. பகல் 12 மணிக்கு சுவாமிக்கும், அம்பாளுக்கும் பால், தயிர், இளநீர், பன்னீர், விபூதி, சந்தனம் உள்பட பல்வேறு வகையான மங்கல பொருட்களால் அபிஷேகம் நடைபெற்று, அலங்கார தீபாராதனை நடைபெற்றது.

விழாவில் சிறப்பு அழைப்பாளராக இந்து மக்கள் கட்சி தேசிய தலைவர் ஸ்ரீ தரன் கலந்து கொண்டு வாழ்த்துரை வழங்கி யாகத்தில் கலந்து கொண்ட மாணவர்களுக்கு கல்வி உபகரணங்கள் வழங்கினார். ஏற்பாடுகளை பிரதோஷ அறக்கட்டளை தலைவர் உதயகுமார், பொருளாளர் சிவமுருகன், செயலாளர் தசீந்திரன் மற்றும் அறக்கட்டளை யினர் செய்திருந்தனர்.