சிதம்பரம் அருகே, திருமணமான 3 மாதத்தில் மனைவியை வீட்டை விட்டு துரத்திய மீனவர் மீது வழக்கு

கடலூர்,

சிதம்பரம் அருகே கூழையார் பொன்னந்திட்டு ஆரியநாட்டு தெருவை சேர்ந்தவர் மணிகண்டன் (வயது 27). மீனவர். இவருடைய மனைவி வின்மதி (22). இவர்கள் 2 பேருக்கும் திருமணமாகி 3 மாதங்கள் ஆகிறது. திருமணம் ஆன நாள் முதல் மணிகண்டன் வேறு ஒரு பெண்ணுடன் தொடர்பு வைத்துக்கொண்டு, வின்மதியுடன் வாழாமல் அவரை ஆபாசமாக பேசி வந்ததாக தெரிகிறது.

சம்பவத்தன்றும் அவரை திட்டி, வீட்டை விட்டு வெளியே துரத்தி விட்டதோடு, அவருக்கு கொலை மிரட்டல் விடுத்ததாக தெரிகிறது. இது பற்றி வின்மதி சிதம்பரம் மகளிர் போலீசில் புகார் செய்தார். அதன்பேரில் மணிகண்டன் மீது போலீசார் வழக்குப்பதிவு செய்து விசாரணைநடத்தி வருகின்றனர்.