கடலூர் அருகே கார் மோதி 2 பெண்கள் பலி 3 பேர் படுகாயம்

சிதம்பரம்,

கடலூர் அடுத்த புதுச்சத்திரம் அருகே உள்ள பெரியப்பட்டு பஸ் நிறுத்தம் பகுதியில் நேற்று காலை சிலர் நடந்து சென்று கொண்டிருந்தனர். அப்போது புதுச்சோியில் இருந்து மயிலாடுதுறை நோக்கி வந்த கார் ஒன்று நடந்து சென்றவர்கள் மீது மோதியது. இந்த விபத்தில் பெரியப்பட்டு மாதா கோவில் தெருவை சேர்ந்த இருதயநாதன் மனைவி கலிசா மேரி (வயது 60), ஜெபாஸ்டின் மனைவி பிாியா(30), இவருடைய மகன் ஜெரூன்ஜாய் (2), ஊ.மங்கலம் அம்மன் கோவில் தெருவை சேர்ந்த சந்திரசேகரன் மகள் தேவதர்ஷினி (20), குறிஞ்சிப்பாடி புலியூர் கிராமத்தை சேர்ந்த தமிழ்ச்செல்வன்(22) ஆகியோர் பலத்த காயமடைந்தனர்.

2 பெண்கள் பலி

இதில் கலிசாமேரியும், தேவதர்ஷினியும் சிகிச்சைக்காக கடலூர் அரசு மருத்துவமனைக்கு அனுப்பி வைக்கப்பட்டனர். ஆனால் மருத்துவமனைக்கு செல்லும் வழியிலேயே அவர்கள் பரிதாபமாக உயிரிழந்தனர்.

இதற்கிடையே பிரியா, ஜெரூன்ஜாய், தமிழ்ச்செல்வன் ஆகியோர் சிதம்பரம் ராஜா முத்தையா மருத்துவக்கல்லூரி மருத்துவமனைக்கு அனுப்பி வைக்கப்பட்டனர். அங்கு அவர்களுக்கு சிகிச்சை அளிக்கப்பட்டு வருகிறது.

இதுகுறித்த புகாரின்பேரில் புதுச்சத்திரம் போலீசார் வழக்குப்பதிவு செய்து காரை ஓட்டி வந்த மயிலாடுதுறை மாவட்டம் மூவலூர் பகுதியை சேர்ந்த விஜயகுமார் மகன் நாகராஜன் (39) என்பவரை பிடித்து விசாரணை நடத்தி வருகின்றனர்.