முறப்பநாடு அருகேவிவசாயி மீது தாக்குதல்

ஸ்ரீவைகுண்டம்:

முறப்பநாடு அருகே உள்ள நாணல்காடு வடக்கு தெருவை சேர்ந்தவர் கொம்பையா (வயது 38). விவசாயி. இந்த கிராமத்திற்கு வல்லநாட்டை சேர்ந்த 18 வயது வாலிபர் ஒருவர் நண்பர்களுடன் வந்துள்ளார். அப்போது கொம்பையாவுக்கும், வாலிபருக்கும் இடையே வாய்த்தகராறு ஏற்பட்டு முன்விரோதம் இருந்துள்ளது. இந்த நிலையில் கொம்பையா வீட்டிற்கு சென்ற வாலிபர் தகராறு செய்து அவரை தாக்கியுள்ளார். இதுகுறித்த புகாரின் பேரில் முறப்பநாடு போலீசார் வழக்குப்பதிவு செய்து வாலிபரை கைது செய்து விசாரணை நடத்தி வருகின்றனர்.