ஊஞ்சலூர் அருகேபகவதி அம்மன் கோவில் குண்டம் திருவிழா

ஊஞ்சலூர் அருகே கொளத்துப்பாளையம் கிராமத்தில் பகவதி அம்மன் கோவில் அமைந்துள்ளது. இக்கோவிலின் பொங்கல், குண்டம் திருவிழா கடந்த 27-ந் தேதி அன்று பூச்சாட்டுதலுடன் தொடங்கியது. 31-ந் தேதி காலை காவிரிக்கு சென்று தீர்த்தம் எடுத்து வந்து அம்மனுக்கு அபிஷேகம் செய்து சிறப்பு பூஜை செய்தனர்.

பின்னர் குண்டம் இறங்கும் நிகழ்ச்சி நடைபெற்றது. இரவு 7 மணி அளவில் பெண்கள் அம்மனுக்கு பொங்கல் வைத்து படையலிட்டனர். அதன்பின்னர் மாவிளக்கு எடுத்து வந்து அம்மனை வழிபட்டனர். நேற்று முன்தினம் மஞ்சள் நீராட்டு விழாவும், அம்மன் ஊஞ்சலில் வைத்து ஆராட்டு விழாவும் நடைபெற்றது. நேற்று நடந்த மறுபூஜையுடன் திருவிழா முடிவடைந்தது.