சாத்தான்குளம் அருகே நாராயண சுவாமி கோவில் திருவிழா

தட்டார்மடம்:

சாத்தான்குளம் அருகே சங்கரன்குடியிருப்பு ஸ்ரீமன் நாராயண சுவாமி நிழல் தாங்கலில் திருவிழா நடந்து வருகிறது. விழாவையொட்டி சிறப்பு பணிவிடை, உச்சிகால பணிவிடை, அன்னதா்மம், அய்யா பூ வாகனத்தில் பவனி வருதல் நடைபெற்றது. நேற்று முன்தினம் மதியம் 1 மணிக்கு அன்னதர்மம், 2 மணிக்கு பணிவிடை, வெளியூர் தர்மம், இரவு 9 மணிக்கு சிறப்பு பணிவிடை, தொடர்ந்து அய்யா கருட வாகனத்தில் பவனி வருதல் நடைபெற்றது.

நேற்று (செவ்வாய்க்கிழமை) மதியம் 2 மணிக்கு பணிவிடை உள்ளூர் தர்மம், இரவு 8 மணிக்கு சிறப்பு பணிவிடை, தொடர்ந்து அய்யா அன்ன வாகனத்தில் பவனி வருதலும், இன்று(புதன்கிழமை) காலை 8 மணிக்கு இனிமம் வழங்குதலும் நடைபெறுகிறது. விழா ஏற்பாடுகளை ஸ்ரீமன் நாராயணசுவாமி நிழல் தாங்கல் நிர்வாக கமிட்டியினர், ஊர் பொதுமக்கள் செய்து வருகின்றனர்.