ஸ்ரீவைகுண்டம் அருகேகுளத்து மணல் கடத்திய டிரைவர்கைது

ஸ்ரீவைகுண்டம்:

ஸ்ரீவைகுண்டம் அருகே உரிய அனுமதியின்றி லாரியில் குளத்து மணலை கடத்தி சென்ற வாலிபரை போலீசார் கைது செய்தனர். அவரிடம் இருந்து 8 யூனிட் குளத்து மணல் மற்றும் கடத்துவதற்கு பயன்படுத்திய லாரியை போலீசார் பறிமுதல் செய்தனர்.

லாரியில் மணல் கடத்தல்

ஸ்ரீவைகுண்டம் போலீஸ் இன்ஸ்பெக்டர் அன்னராஜ் தலைமையில் தனிப்படை போலீசார் ரோந்து பணியில் ஈடுபட்டு இருந்தனர். அப்போது, ஸ்ரீவைகுண்டம் அருகே உள்ள பேட்மாநகரம் பகுதியில் சந்தேகத்திற்கிடமான முறையில் வந்த லாரியை போலீசார் தடுத்து நிறுத்தி சோதனை செய்தனர். அதில் உரிய அனுமதியின்றி குளத்து மணலை ஏற்றி கடத்தி வந்தது கண்டுபிடிக்கப்பட்டது.

டிரைவர் கைது

இதுகுறித்து ஸ்ரீவைகுண்டம் போலீசார் வழக்குப்பதிவு செய்து லாரி டிரைவரான பொட்டலூரணி பகுதியைச் சேர்ந்த அக்னிமுத்து மகன் ஆதிமூலம் (வயது 38) என்பவரை கைது செய்தனர். அவரிடமிருந்து 8 யூனிட் மணல் மற்றும் லாரியையும் போலீசார் பறிமுதல் செய்தனர். மேலும் இதுகுறித்து ஸ்ரீவைகுண்டம் போலீசார் அவரிடம் இந்த மணல் கடத்தல் பின்னணியில் வேறு யாரும் இருக்கிறார்களா? எங்கு இந்த மணல் கடத்தி செல்லப்பட்டது? என்பது குறித்து விசாரணை நடத்தி வருகின்றனர்.