தூத்துக்குடி அருகே தம்பதி மீது தாக்குதல்

ஸ்பிக்நகர்:

தூத்துக்குடி அருகே உள்ள முள்ளக்காடு பார்வதிபுரத்தை சேர்ந்தவர் பால்ராஜ். இவரது மகன் சிவசாமி. உப்பு வியாபாரி. இவரும், இவரது மனைவி சிவனம்மாவும் வீட்டின் முன்பு நின்று பேசிக் கொண்டிருந்தனர். அப்போது அங்கு வந்த முள்ளக்காடு சாமிநகரைச் சேர்ந்த பரமசிவம் மகன் நாகராஜ் மற்றும் ராஜிவ்நகர் பகுதியைச் சேர்ந்த சேகர் மகன் மோகன் ஆகிய 2 பேரும் சிவசாமி தம்பதியரை அவதூறாக பேசி தாக்கியுள்ளனர். இதில் காயமடைந்த இருவரும் தூத்துக்குடி அரசு ஆஸ்பத்திரியில் சிகிச்சை பெற்று வருகின்றனர். இது குறித்து முத்தையாபுரம் போலீஸ் இன்ஸ்பெக்டர் ஜெயசீலன், சப்- இன்ஸ்பெக்டர் மகாராஜன் ஆகியோர் வழக்குப்பதிவு செய்து நாகராஜ், மோகன் ஆகிய 2 பேரையும் தேடிவருகிறார்.