தூத்துக்குடி அருகே லாரி மோதி வாலிபர் சாவு

ஸ்பிக்நகர்:

தூத்துக்குடி அருகே உள்ள முத்தையாபுரம் அம்பேத்கார் நகர் பகுதியைச் சேர்ந்தவர் கல்யாணசுந்தரம்.இவரது மகன் செல்வா (வயது26). இவர் நேற்று மோட்டார் சைக்கிளில் உப்பாற்று ஓடை அருகே சென்று கொண்டிருந்தார். அப்போது இவரது மோட்டார் சைக்கிள் மீது அந்த வழியாக வந்த லாரி மோதியது. இதில் பலத்தகாயம் அடைந்த செல்வாவை அந்தப் பகுதியில் இருந்தவர்கள் மீட்டு, 108 ஆம்புலன்ஸ் மூலம் சிகிச்சைக்காக தூத்துக்குடி அரசு ஆஸ்பத்திரியில் சேர்த்தனர். அங்கு சிகிச்சை பலனின்றி செல்வா பரிதாபமாக உயிரிழந்தார். இது குறித்து முத்தையாபுரம் போலீசார் வழக்கு பதிவு செய்து விசாரணை நடத்தி வருகின்றனர்.