உடன்குடி அருகே விவசாயிக்கு கொலைமிரட்டல்

மெஞ்ஞானபுரம்:

உடன்குடி வடக்கு பஸ் ஸ்டாண்ட் பகுதியைச் சேர்ந்தவர் அமிர்தலிங்கம் (வயது60). விவசாயி. இவருக்கு முதலூர் கிராமத்தில் தோட்டம் உள்ளது. இந்த நிலையில் இவருக்கும் கடாச்சபுரம் கோயில் தெருவைச் சேர்ந்த கிறிஸ்து பாண்டி மகன் ஞானமுத்து (28) என்பவருக்கும் இடையே பொதுப்பாதையை பயன்படுத்துவது தொடர்பாக பிரச்சினை இருந்துள்ளது. இந்த நிலையில் சம்பவத்தன்று ஞானமுத்து, சாமுவேல் மற்றும் ஞான செல்வம் ஆகியோர் அமிர்தலிங்கம் தோட்டத்திலுள்ள மோட்டார் அறையை சேதப்படுத்திவிட்டு, மோட்டாரையும் எடுத்து சென்றதுடன், அவருக்கு கொலை மிரட்டல் விடுத்து சென்றனராம். இதுகுறித்த புகாரின் பேரில் மெஞ்ஞானபுரம் போலீசார் வழக்கு பதிவு செய்து விசாரணை நடத்தி வருகின்றனர்.