காய்கனி அலங்காரத்தில் அருள்பாலித்த நீலாயதாட்சி அம்மன்

நாகை பகுதியில் உள்ள அம்மன் கோவில்களில் நேற்று முன்தினம் ஆடி மாத 3-வது வெள்ளிக்கிழமையையொட்டி சிறப்பு வழிபாடு நடந்தது. இதையொட்டி நாகை நீலாயதாட்சி அம்மனுக்கு மஞ்சள், திரவியம், மாப்பொடி, தேன், பால், இளநீர், சந்தனம் உள்ளிட்ட பொருட்களால் அபிஷேகம் செய்யப்பட்டது. பின்னர் காய்கனி அலங்காரத்தில் அருள்பாலித்த நீலாயதாட்சி அம்மனுக்கு தீபாராதனை காட்டப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர். இதேபோல் மருந்து கொத்தள தெருவில் உள்ள காளியம்மன் கோவிலில் சிறப்பு வழிபாடு நடந்தது. இதில் காளியம்மன் வளையல் அலங்காரத்தில் பக்தர்களுக்கு அருள்பாலித்தார்.