நர்சிங் கல்லூரி மாணவர் ரெயிலில் இருந்து தவறி விழுந்து பலி

கேரள மாநிலம் திருச்சூர் பகுதியைச் சேர்ந்த தினகரன் மகன் டிஜேஷ் (வயது 25). இவர் பெங்களூருவில் உள்ள தனியார் நர்சிங் கல்லூரியில் இறுதியாண்டு படித்து வந்தார். இந்தநிலையில், கேரளாவில் இருந்து பெங்களூரு செல்லும் எர்ணாகுளம் எக்ஸ்பிரஸ் ரெயிலில் படிக்கட்டில் அமர்ந்து பயணம் செய்துள்ளார். திருப்பத்துார் மொளகரம்பட்டி பகுதியில் உள்ள தர்மபுரி மேம்பாலம் அருகே சென்றபோது துாக்கத்தில் இருந்த டிஜேஷ் ெரயிலில் இருந்து தவறி கீழே விழுந்துள்ளார்.

இதில் ெரயிலில் அடிபட்டு சம்பவ இடத்திலேயே உயிரிழந்தார். இதுபற்றி தகவல் அறிந்ததும் சம்பவ இடத்துக்கு வந்த ஜோலார்பேட்டை ெரயில்வே போலீசார் உடலை மீட்டு திருப்பத்துார் அரசு மருத்துவமனைக்கு அனுப்பி வைத்தனர்.

மேலும் இச்சம்பவம் குறித்து வழக்குப் பதிவு செய்து விசாரித்து வருகின்றனர்.