ஆட்டோவில் இருந்து விழுந்த மூதாட்டி சாவு

பேரையூர்,

மதுரை மாவட்டம் டி.கல்லுப்பட்டி அருகே உள்ள எம்.சுப்புலாபுரத்தை சேர்ந்தவர் பொன்னம்மாள் (வயது 72). சம்பவத்தன்று அருகே உள்ள சமத்துவபுரத்தில் 100 நாள் வேலைக்கு பொன்னம்மாள் சென்றிருந்தார். பின்னர் வேலை முடிந்ததும் ஆட்டோ ஒன்றில் எம்.சுப்புலாபுரத்துக்கு வந்து கொண்டிருந்தார். அப்போது திடீரென ஆட்டோவில் இருந்து நிலை தடுமாறி கீழே விழுந்தார். இதில் அவர் படுகாயம் அடைந்தார். உடனே அக்கம், பக்கத்தினர் அவரை மீட்டு சிகிச்சைக்காக மதுரை அரசு மருத்துவமனையில் சேர்த்தனர். அங்கு சிகிச்சை பலனின்றி அவர் இறந்தார். இதுகுறித்து ஆட்டோ டிரைவர் எம்.சுப்புலாபுரத்தை சேர்ந்த ரமேஷ் மீது டி.கல்லுப்பட்டி போலீசார் வழக்கு பதிவு செய்து விசாரித்து வருகின்றனர்.