விபத்தில் மூதாட்டி பலி

சாத்தூர்,

திருநெல்வேலி மாவட்டம் கூத்தான்குளம் கிராமத்தை சேர்ந்தவர் சவேரியார் (வயது 75). இவரது உறவினர் ரீட்டா (46), புகழேந்தி (54). இவர்கள் 3 பேரும் தங்களுக்கு சொந்தமான காரில் கன்னியாகுமரியில் இருந்து கொடைக்கானல் நோக்கி சென்று கொண்டிருந்தனர். அப்போது சாத்தூர் அருகே சிவனனைந்தபுரம் விலக்கில் கார் வந்து கொண்டிருந்தபோது டிரைவரின் கட்டுப்பாட்டை இழந்த கார் சாலை ஓர தடுப்பில் மோதி விபத்துக்குள்ளானது. இதில் சவேரியார் சம்பவ இடத்திலேயே பரிதாபமாக உயிரிழந்தார். மேலும் ரீட்டா, புகழேந்தி ஆகிய 2 பேரும் பலத்த காயமடைந்தனர். இதையடுத்து அருகில் இருந்தவர்கள் அவர்களை மீட்டு சிகிச்சைக்காக கோவில்பட்டி அரசு மருத்துவமனைக்கு அனுப்பி வைத்தனர். இதுகுறித்து தகவலறிந்து சாத்தூர் தாலுகா போலீசார் சம்பவ இடத்திற்கு விரைந்து வந்து சவேரியார் உடலை மீட்டு பரிசோதனைக்காக கோவில்பட்டி அரசு மருத்துவமனைக்கு அனுப்பி வைத்தனர். இ்ந்த விபத்து குறித்து போலீசார் விசாரணை நடத்தி வருகின்றனர்.