ரெயிலில் முதியவர் பிணம்

ஈரோடு ரெயில் நிலையத்தில் இருந்து நேற்று ஜோலார்பேட்டை ரெயில் நிலையத்திற்கு பயணிகள் ரெயில் வந்தது. அப்போது ரெயில் பயணிகள் பெட்டியில் முதியவர் ஒருவர் மயங்கி கிடந்தார். இதுகுறித்து ரெயில்வே ஊழியர்கள் ஜோலார்பேட்டை ரெயில்வே போலிசாருக்கு தகவல் தெரிவித்தனர். அதன் பேரில் சப்- இன்ஸ்பெக்டர் ஜெயக்குமார், ரெயில்வே டாக்டர் மற்றும் போலீசார் சென்று மயங்கி கிடந்த முதியவரை பரிசோதனை செய்ததில் முதியவர் ஏற்கனவே இறந்துவிட்டது தெரிய வந்தது.

இதனையடுத்து ரெயில்வே போலீசார் பிணத்தை கைப்பற்றி பிரேத பரிசோதனைக்காக திருப்பத்தூர் அரசு மருத்துவமனைக்கு அனுப்பி வைத்தனர். மேலும் இறந்தவர் யார்?, எந்த ஊரைச் சேர்ந்தவர் என விசாரணை செய்து வருகின்றனர்.