ஆம்பூர் அருகே முதியவர் பிணம்

திருப்பத்தூர் மாவட்டம் ஆம்பூரை அடுத்த சின்னவரிக்கம் பகுதியில் ஆண் பிணம் கிடப்பதாக போலீசாருக்கு தகவல் கிடைத்தது. அதன்பேரில் உமராபாத் போலீசார் சம்பவ இடத்துக்கு சென்று உடலை மீட்டு விசாரணை நடத்தினர்.

விசாரணையில் அதே பகுதியை சேர்ந்த கூலி தொழிலாளி ஆனந்தன் (வயது 69) என்பது தெரியவந்தது. இதையடுத்து போலீசார் உடலை பிரேத பரிசோதனைக்காக ஆம்பூர் அரசு மருத்துவமனைக்கு அனுப்பி வைத்தனர். மேலும் இதுகுறித்து போலீசார் விசாரணை நடத்தி வருகின்றனர்.