ரெயில் ேமாதி முதியவர் சாவு

பனைக்குளம்,

ராமேசுவரத்தில் இருந்து நேற்று காலை 11 மணிக்கு மதுரைக்கு பயணிகள் ரெயில் ஒன்று புறப்பட்டது. அந்த ரெயில் பாம்பன் பாலத்தை கடந்து மண்டபம் தோணித்துறை அருகே சென்று கொண்டிருந்தது. அப்போது திடீரென வயதான ஒருவர் தண்டவாளத்தை கடக்கும் போது ரெயிலில் அடிபட்டு உடல் துண்டாகி இறந்தார். இது குறித்து தகவல் கிடைத்ததும் ராமேசுவரம் ரெயில்வே போலீசார் சம்பவ இடத்திற்கு விரைந்து வந்து விசாரணை நடத்தினர். ரெயில் மோதி பலியான முதியவருக்கு 65 வயது இருக்கும்.வெள்ளை வேட்டி, வெள்ளை சட்டை அணிந்திருந்தார். அவர் யார்? எந்த ஊரை சேர்ந்தவர்? என தெரியவில்லை. தவறி விழுந்தாரா? தற்கொலையா? என போலீசார் விசாரணை நடத்தி வருகின்றனர்.