கார் மோதி முதியவர் சாவு

வாலாஜா அருகே உள்ள தேவதானம் கிராமம் ஒத்த வாடை தெருவை சேர்ந்தவர் பூபதி (வயது 60). இவர் சம்பவத்தன்று இரவு வீட்டில் இருந்து அருகே உள்ள தேசிய நெடுஞ்சாலை ஓரமாக டீக்கடைக்கு சென்றார். தேசிய நெடுஞ்சாலையை கடந்து செல்ல முயன்றபோது வேலூர்- சென்னை தேசிய நெடுஞ்சாலையில் வேகமாக வந்த கார், பூபதி மீது மோதியது.

இதில் பலத்த காயமடைந்த அவர் சம்பவ இடத்திலேயே உயிரிழந்தார். இதுகுறித்து வாலாஜா போலீசார் வழக்குப் பதிவு செய்து விசாரணை நடத்தி வருகின்றனர்.