கல்குவாரி தண்ணீரில் மூழ்கி முதியவர் பலி

பாளையங்கோட்டை அருகே உள்ள மேட்டு குப்பக்குறிச்சி கிராமத்தை சேர்ந்தவர் முருகாண்டி (வயது 70). இவர் நேற்று முன்தினம் அந்த பகுதியில் உள்ள ஒரு கல்குவாரியில் இறங்கி தண்ணீரில் குளித்துள்ளார். ஆனால் நீண்ட நேரம் ஆகியும் அவர் திரும்பி வரவில்லை.

இதுகுறித்து தகவல் அறிந்த சீவலப்பேரி போலீசார் மற்றும் கங்கைகொண்டான் தீயணைப்பு நிலைய வீரர்கள் அங்கு வந்து தேடி பார்த்தனர். ஆனால் இரவு நேரம் ஆகிவிட்டதால், நேற்று 2-வது நாளாக தேடுதல் பணியை தொடர்ந்தனர். அப்போது அவரது உடல் மீட்கப்பட்டு, பிரேத பரிசோதனைக்கு ஐகிரவுண்டு அரசு ஆஸ்பத்திரிக்கு அனுப்பி வைக்கப்பட்டது. இதுகுறித்து சீவலப்பேரி போலீசார் வழக்குப்பதிவு செய்து விசாரணை நடத்தி வருகின்றனர்.