விழுப்புரம்ரெயில் நிலையத்தில் முதியவர் பிணம்போலீஸ் விசாரணை

விழுப்புரம் ரெயில் நிலையத்தில் 6-வது நடைமேடையில் ரெயில்வே இருப்பு பாதை போலீசார் ரோந்து பணியில் ஈடுபட்டிருந்தனர். அப்போது, அங்கு 55 வயது மதிக்கத்தக்க முதியவர் ஒருவர் இறந்து கிடந்தார். அவர், காவிநிற வேட்டியும், பச்சை நிற துண்டும் அணிந்திருந்தார். ஆனால், அவரது பெயர் மற்றும் விவரம் எதுவும் தெரியவில்லை.

இதையடுத்து, அவரது உடலை போலீசார் மீட்டு பிரேதபரிசோதனைக்காக முண்டியம்பாக்கம் அரசு மருத்துவ கல்லூரி மருத்துவமனைக்கு அனுப்பி வைத்தனர். இறந்து போன முதியவர் யார்? எந்த ஊரை சேர்ந்தவர்? என்பது குறித்து போலீசார் தொடர்ந்து விசாரணை நடத்தி வருகின்றனர்.