சேலம் அருகே ரெயில் தண்டவாளத்தில் முதியவர் பிணம்-யார் அவர்? போலீசார் விசாரணை

சேலம் மாவட்டம் கருப்பூர் மற்றும் மேக்னசைட் ரெயில் நிலையத்திற்கு இடையே தண்டவாளத்தில் 62 வயது மதிக்கத்தக்க முதியவர் ஒருவர் இறந்து கிடப்பதாக கடந்த 2-ந் தேதி சேலம் ரெயில்வே போலீசாருக்கு தகவல் கிடைத்தது. அதன்பேரில், போலீசார் சம்பவ இடத்திற்கு சென்று விசாரணை நடத்தினர். பின்னர் இறந்து கிடந்த முதியவர் உடலை மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். இதுதொடர்பாக போலீசார் விசாரித்ததில் முதியவர் ரெயிலில் அடிபட்டு இறந்தது தெரியவந்தது. ஆனால் அவர் யார்?, எந்த ஊரை சேர்ந்தவர்? என்ற விவரம் தெரியவில்லை. இதுகுறித்து ரெயில்வே போலீசார் வழக்குப்பதிவு செய்து விசாரணை நடத்தி வருகின்றனர்.