தூக்கில் தொங்கிய முதியவர் பிணம்

கே.வி.குப்பத்தை அடுத்த சென்னங்குப்பம் பகுதியைச் சேர்ந்தவர் முருகேசன் (வயது 60). இவரது மனைவி கடந்த 10 ஆண்டுகளுக்கு முன்பு இறந்துவிட்டார். இவருக்கு 15 வயதில் ஒரு மகன் இருக்கிறார். அதே பகுதியில் உள்ள இவரது உறவினர் நிலத்திலேயே தங்கி வேலை பார்த்து வந்ததாகக் கூறப்படுகிறது. இந்த நிலையில் நேற்று காலை அந்த நிலத்தில் உள்ள பம்பு செட்டில் முருகேசன் தூக்கில் பிணமாக தொங்கினார். இதனை கண்ட அக்கம் பக்கத்தினர் கே.வி.குப்பம் போலீசாருக்கு தகவல் தெரிவித்தனர். அதன் பேரில் சம்பவ இடத்திற்கு விரைந்து சென்ற போலீசார் பிணத்தை கைப்பற்றி குடியாத்தம் அரசு மருத்துவமனைக்கு அனுப்பி வைத்தனர். மேலும் இதுதொடர்பாக போலீசார் வழக்குப் பதிவு செய்து விசாரணை நடத்தி வருகின்றனர்.