ஆட்டோ மோதி முதியவர் பலி

நெல்லை மேலப்பாளையம் அருகே குறிச்சி முத்தாரம்மன் கோவில் தெருவை சேர்ந்தவர் இசக்கி (வயது 60). இவர் நேற்று காலையில் மேலப்பாளையம்- குறிச்சி நேதாஜி சாலையில் இசக்கியம்மன் கோவில் எதிரே நடந்து சென்று கொண்டிருந்தாராம். அப்போது எதிரே வந்த ஆட்டோ எதிர்பாராதவிதமாக இசக்கி மீது மோதியது. இதில் படுகாயம் அடைந்த அவரை பொதுமக்கள் மீட்டு பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். அங்கு சிகிச்சை பலனளிக்காமல் அவர் உயிர் இழந்தார்.

இதுகுறித்து மாநகர போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.