கார் மோதி முதியவர் பலி

பரமக்குடி

முதுகுளத்தூர் அருகே உள்ள புளியங்குடி கிராமத்தைச் சேர்ந்தவர் சண்முகவேல் (வயது 65). இவர் பரமக்குடி அருகே உள்ள அரியனேந்தல் கிராமத்தில் உள்ள கோவிலுக்கு சென்றுள்ளார். அப்போது கோவிலின் அருகே சாலையில் நடந்து சென்ற போது அந்த வழியாக வந்த கார், இவர் மீது மோதியது. இதில் சண்முகவேல் சம்பவ இடத்திலேயே பரிதாபமாக உயிரிழந்தார். இதுகுறித்து பரமக்குடி தாலுகா போலீசார், கார் டிரைவர் சத்திரக்குடி கிராமத்தைச் சேர்ந்த சரத்குமார் மீது வழக்குப்பதிவு செய்து விசாரணை நடத்தி வருகின்றனர்.