கார் மோதி முதியவர் பலி

அரவக்குறிச்சி அருகே மொண்டியூத்தாங்கரையை சேர்ந்தவர் பழனிசாமி (வயது 70). இவர் நேற்று மதியம் தனது தோட்டத்திற்கு பள்ளப்பட்டி-பழனி சாலையில் வடக்கில் இருந்து தெற்கு நோக்கி நடந்து சென்று கொண்டிருந்தார். அப்போது எதிரே அந்த வழியாக வந்த ஒரு கார் பழனிசாமி மீது மோதியது. இதில் தூக்கி வீசப்பட்ட பழனிசாமி தலையில் பலத்த காயம் அடைந்து சம்பவ இடத்திலேயே பரிதாபமாக இறந்தார். இதுகுறித்து தகவல் அறிந்த அரவக்குறிச்சி போலீசார் சம்பவ இடத்திற்கு வந்து பழனிசாமி உடலை கைப்பற்றி பிரேத பரிசோதனைக்காக அரவக்குறிச்சி அரசு மருத்துவமனைக்கு அனுப்பி வைத்தனர். இந்த விபத்து குறித்து அரவக்குறிச்சி போலீசார் வழக்குப்பதிந்து விசாரணை நடத்தி வருகின்றனர்.