கார் மோதி மூதாட்டி சாவு

பொள்ளாச்சி

பொள்ளாச்சி அருகே உள்ள புளியம்பட்டியை சேர்ந்தவர் நாச்சம்மாள் (வயது 70). இவர் அந்த பகுதியில் சாலையை கடக்க முயன்ற போது அந்த வழியாக வந்த கார் மோதியது. இதில் படுகாயமடைந்த அவர் சம்பவ இடத்திலேயே பரிதாபமாக இறந்தார். ஆனால் விபத்தை ஏற்படுத்திய கார் நிற்காமல் சென்று விட்டது.

இதுகுறித்து தகவல் அறிந்த மகாலிங்கபுரம் போலீசார் விரைந்து வந்து அவரது உடலை மீட்டு பிரேத பரிசோதனைக்கு அரசு ஆஸ்பத்திரிக்கு அனுப்பி வைத்தனர். இதுகுறித்த புகாரின் பேரில் போலீசார் வழக்குபதிவு செய்து விசாரணை நடத்தினார்கள். விசாரணையில் கேரள பதிவு எண் கொண்ட கார் என்பது தெரியவந்தது. இதுபற்றி போலீசார் தொடர்ந்து விசாரணை மேற்கொண்டு வருகின்றனர்.