விபத்தில் சிக்கிய மூதாட்டி சாவு

வடமதுரை அருகே உள்ள எஸ்.பாறைப்பட்டியை சேர்ந்தவர் அழகம்மாள் (வயது 75). இவர், அதே பகுதியை சேர்ந்த கிருஷ்ணம்மாள் என்பவருடன் கடந்த 19-ந்தேதி சிங்காரக்கோட்டை செல்லும் சாலையில் உள்ள ஒரு மரத்தின் அடியில் அமர்ந்து பேசி கொண்டிருந்தார். அப்போது அந்த வழியாக சிங்காரக்கோட்டையை சேர்ந்த விஜய் என்பவர் ஓட்டி வந்த வேன் அழகம்மாள் மீது மோதியது. இதில் படுகாயமடைந்த அழகம்மாளை அக்கம்பக்கத்தினர் மீட்டு சிகிச்சைக்காக திண்டுக்கல் அரசு மருத்துவமனையில் சேர்த்தனர்.

பின்னர் அவர் மேல் சிகிச்சைக்காக, திண்டுக்கல்லில் உள்ள தனியார் மருத்துவமனையில் அனுமதிக்கப்பட்டார். அங்கு சிகிச்சை பலனின்றி அழகம்மாள் நேற்று பரிதாபமாக இறந்தார். இதுகுறித்து வடமதுரை போலீஸ் சப்-இன்ஸ்பெக்டர் அங்கமுத்து வழக்குப்பதிவு செய்து விசாரணை நடத்தி வருகிறார்.