தூத்துக்குடியில்மோட்டார் சைக்கிளில் கஞ்சா பதுக்கிய முதியவர் கைது

தூத்துக்குடி மாவட்ட போலீஸ் சூப்பிரண்டு பாலாஜி சரவணன் உத்தரவின் பேரில், தூத்துக்குடி நகர துணை போலீஸ் சூப்பிரண்டு சத்தியராஜ் தலைமையில், மத்தியபாகம் போலீஸ் இன்ஸ்பெக்டர் அய்யப்பன், தனிப்படை சப்-இன்ஸ்பெக்டர் ரவிக்குமார் மற்றும் போலீசார் தீவிர கண்காணிப்பு பணியில் ஈடுபட்டனர். அப்போது கீழுர் ரெயில்நிலையம் அருகே மோட்டார் சைக்கிளுடன் நின்று கொண்டு இருந்த பாளையங்கோட்டை வி.எம் சத்திரம் ஆரோக்கியநாதபுரத்தை சேர்ந்த காசி மகன் ஆதிநாராயணன் (வயது 65) என்பவரை போலீசார் மடக்கி பிடித்து விசாரித்தனர். அவர் மோட்டார் சைக்கிளில் 2 கிலோ கஞ்சா பதுக்கி வைத்து இருந்தது கண்டுபிடிக்கப்பட்டது. உடனடியாக போலீசார் வழக்குப்பதிவு செய்து கஞ்சா பதுக்கிய ஆதிநாராயணனை கைது செய்தனர். அவரிடம் இருந்து கஞ்சா மற்றும் மோட்டார் சைக்கிளை போலீசார் பறிமுதல் செய்தனர்.