திருச்செந்தூர் சிவந்தி அகாடமி சார்பில்வங்கி-எல்.ஐ.சி. தேர்வுகளுக்கான ஆன்லைன் பயிற்சி வகுப்புகள்

திருச்செந்தூர்:

திருச்செந்தூர் சிவந்தி அகாடமி சார்பில் வங்கி-எல்.ஐ.சி. தேர்வுகளுக்கான ஆன்லைன் பயிற்சி வகுப்புகள் வருகிற 22-ந் தேதி தொடங்குகிறது.

சிவந்தி அகாடமி

திருச்செந்தூர் சிவந்தி அகாடமி கடந்த 30 ஆண்டுகளாக போட்டித் தேர்வுகளுக்கான பயிற்சி வகுப்புகளை சிறப்பாக நடத்தி வருகிறது. இப்பயிற்சி வகுப்புகள் அனுபவமிக்க வல்லுனர்களால் நடத்தப்படுகிறது. பயிற்சி வகுப்புகளில் கலந்து ெகாள்பவர்களுக்கு தரம் வாய்ந்த பயிற்சி புத்தகங்கள் வழங்கப்பட்டு வருகின்றன.

இந்த வகுப்புகளில் பயிற்சி பெற்ற பலர் வங்கி, டி.என்.பி.எஸ்.சி. போன்ற பல தேர்வுகளில் வெற்றி பெற்றுள்ளனர். சிவந்தி அகாடமி அனைத்து வகையான போட்டித் தேர்வுகளுக்கான நேரடி மற்றும் ஆன்லைன் பயிற்சி வகுப்புகளை நடத்தி வருவது குறிப்பிடத்தக்கது ஆகும்.

ஆன்லைன் பயிற்சி வகுப்புகள்

ஐ.பி.பி.எஸ். சார்பில் பொதுத்துறை வங்கிகளில் புரபேஷனரி ஆபீசர் மற்றும் கிளார்க் பதவிகளுக்காக நடத்தப்படும் எழுத்து தேர்வு மற்றும் ஆயுள் காப்பீட்டு நிறுவனம் (எல்.ஐ.சி.) நடத்தும் உதவி நிர்வாக அதிகாரி (ஏ.ஏ.ஓ.) மற்றும் உதவி வளர்ச்சி அதிகாரி (ஏ.டி.ஓ.) பதவிகளுக்கான எழுத்து தேர்வுகளிலும் சிறப்பாக வெற்றிபெற உதவும் வகையில் சிவந்தி அகாடமி சார்பில் ஆன்லைன் பயிற்சி வகுப்புகள் நடத்தப்பட உள்ளன. ஏதேனும் ஒரு பட்டப்படிப்பில் தேர்ச்சி பெற்றவர்கள், 20 வயது முதல் 30 வயது வரை உள்ளவர்கள் இந்த தேர்வை எழுதலாம்.

வருகிற 22-ந் தேதி தொடங்கும் இந்த ஆன்லைன் பயிற்சி வகுப்புகள் ெமாத்தம் 40 நாட்கள் நடத்தப்படும். பயிற்சி வகுப்புகள் காலை 10 மணி முதல் பிற்பகல் 1 மணி வரை நடைபெறும். பயிற்சியின்போது 20 மாதிரி தேர்வுகள் நடத்தப்படும்.

8 இலவச புத்தகங்கள்

இந்த பயிற்சியில் சேருபவர்களுக்கு வங்கித்தேர்வுகளில் இடம் பெறும் காமன் சென்ஸ் ரீசனிங், பஸில், நியூமெரிக்கல் எபிலிட்டி, குவான்டிடேட்டிவ் ஆப்ட்டிடியூடு, இங்கிலீஸ் லாங்குவேஜ், பாங்கிங் அன்ட் எகானமி, பொதுஅறிவு மற்றும் டேட்டா இன்டர்பிரட்டேசன் ஆகிய தலைப்புகளில் 8 இலவச புத்தகங்கள் வழங்கப்படும். இந்த புத்தகங்கள் சிவந்தி அகாடமியின் சார்பில் பயிற்சியில் கலந்து கொள்பவர்களுக்கு அனுப்பி வைக்கப்படும்.

ஐ.பி.பி.எஸ். மற்றும் எல்.ஐ.சி. தேர்வுகளுக்கான பயிற்சி வகுப்புகள் அனுபவமிக்க வல்லுனர்களால் நடத்தப்படும். இந்த பயிற்சி வகுப்பில் சேர பயிற்சி கட்டணம் ரூ.7 ஆயிரம் ஆகும். பயிற்சியில் சேர விண்ணப்பிக்க வேண்டிய கடைசி நாள் வருகிற 21-ந் தேதி ஆகும்.

விண்ணப்பிக்கும் முறை

இப்பயிற்சி வகுப்பில் சேர விரும்புபவர்கள், ஒரு வெள்ளைத்தாளில் போட்டோ ஒட்டி, பெயர், பின்கோடுடன் முகவரி, தொலைபேசி எண், இ-மெயில், வாட்ஸ்அப் எண் போன்ற விவரங்களை குறிப்பிட்டு எழுதி, அத்துடன் ரூ.7 ஆயிரத்துக்கான வங்கி வரைவோலை (கனரா வங்கி, ஐ.ஓ.பி., ஸ்டேட் பாங்க் ஆப் இந்தியா அல்லது இந்தியன் வங்கி), 'சிவந்தி அகாடமி, திருச்செந்தூர்' என்ற பெயரில் எடுத்து, சிவந்தி அகாடமி, தூத்துக்குடி ரோடு, திருச்செந்தூர்-628216, தூத்துக்குடி மாவட்டம்' என்ற முகவரிக்கு அனுப்ப வேண்டும்.

அல்லது சிவந்தி அகாடமி இணையதளம் (https://sivanthiacademy.org) மூலமாகவும் இப்பயிற்சி கட்டணத்தை செலுத்தலாம். அதன்பின்னர் பெயர், பின்கோடுடன் முகவரி, தொலைபேசி எண், வாட்ஸ்அப் எண் போன்ற விவரங்கள் மற்றும் ரூ.7 ஆயிரத்துக்கான ஆன்லைன் கட்டண ரசீது ஆகியவற்றை சிவந்தி அகாடமியின் மின்னஞ்சல் முகவரிக்கு (sa@aei.edu.in) அனுப்ப வேண்டும். பயிற்சிக்கான கட்டணம் எக்காரணம் கொண்டும் திருப்பி தரப்பட மாட்டாது.

மேலும் விவரங்கள் பெற 04639-242998 என்ற தொலைபேசி எண்ணிலோ, 8248624842, 9443178481, 9488567565 ஆகிய செல்போன் எண்களிலோ தொடர்பு கொள்ளலாம்.

இத்தகவலை சிவந்தி அகாடமி ஒருங்கிணைப்பாளர் எஸ்.பிரான்சிஸ் ரெஜீலா தெரிவித்துள்ளார்.