பிரதோஷத்தையொட்டிகோவில்களில் சிறப்பு வழிபாடு

பிரதோஷத்தையொட்டி நேற்று தேனி மாவட்டத்தில் உள்ள கோவில்களில் சிறப்பு வழிபாடு நடந்தது. அதன்படி, பெரியகுளம் அருகே ஈச்சமலை பகுதியில் உள்ள மகாலட்சுமி கோவிலில் சிறப்பு வழிபாடு நடைபெற்றது. இதையொட்டி அதிகார நாகராஜர், நந்திபகவானுக்கு பால், தயிர், சந்தனம், மஞ்சள். இளநீர், தேன் உள்ளிட்ட 21 வகையான பொருட்களால் சிறப்பு அபிஷேகம் நடைபெற்றது. இதையடுத்து பல்வேறு வகையான பூக்களால் சிறப்பு அலங்காரம் செய்யப்பட்டது. இந்த சிறப்பு வழிபாட்டில் மாவட்டத்தின் பல்வேறு பகுதியில் இருந்து ஏராளமான பக்தர்கள் கலந்து கொண்டு சாமி தரிசனம் செய்தனர். மேலும் பக்தர்களுக்கு பிரசாதம் வழங்கப்பட்டது.

இதேபோல், பெரியகுளம் அருகே கைலாசப்பட்டி பகுதியில் உள்ள மலை மேல் கைலாசநாதர் கோவிலில் பிரதோஷ வழிபாடு நடைபெற்றது. இதனையொட்டி நந்திகேஸ்வரர் மற்றும் கைலாசநாதர், பெரியநாயகி அம்மனுக்கு சிறப்பு அலங்காரம் செய்யப்பட்டது. பெரியகுளம் தென்கரை காளஹஸ்தீஸ்வரர் கோவில், பெரியகுளம் பாலசுப்பிரமணிய சுவாமி கோவில், கம்பம் சாலையில் உள்ள காளியம்மன் கோவில் உள்ளிட்ட பல்வேறு கோவில்களிலும் சிறப்பு பூஜை நடந்தது.