கம்பத்தில் தி.மு.க. நிர்வாகி மீது தாக்குதல் : நகர செயலாளர் உள்பட 6 போ் மீது வழக்கு

கம்பம் நந்தகோபாலன் கோவில் தெருவைச் சேர்ந்தவர் தயாளன் (வயது 40). தி.மு.க. மாவட்ட பொறியாளர் அணி துணை அமைப்பாளராக உள்ளார். அதே பகுதியை சேர்ந்தவர் செல்வக்குமார். கம்பம் தெற்கு தி.மு.க. நகர செயலாளராக உள்ளார். கடந்த 12-ந்தேதி இவர்கள் இருவருக்கும் இடையே பணம் கொடுக்கல்-வாங்கல் தொடர்பாக வாக்குவாதம் ஏற்பட்டது. அப்போது செல்வக்குமார் மற்றும் அங்கு வந்த அரவிந்த் கிருஷ்ணமூர்த்தி, கமலகண்ணன், கற்பகராஜ் உள்பட 6 பேரும் சேர்ந்து தயாளனை அவதூறாக பேசி, கைகளால் தாக்கியுள்ளனர். இதில் காயம் அடைந்த அவர் சிகிச்சைக்காக கம்பம் அரசு மருத்துவமனையில் சேர்க்கப்பட்டார். இதுகுறித்து அவர் கொடுத்த புகாரின் பேரில் கம்பம் தெற்கு போலீசார், செல்வக்குமார், அரவிந்த் கிருஷ்ணமூர்த்தி, உள்பட 6 பேர் மீது வழக்குப்பதிவு செய்து விசாரணை நடத்தி வருகின்றனர்.