ரெயிலில் அடிபட்டு ஒருவர் பலி

சேலம் அருகே உள்ள டேனிஷ்பேட்டை-தின்னப்பட்டி ரெயில் நிலையங்களுக்கு இடையே 50 வயதுடைய ஆண் ஒருவர் ரெயிலில் அடிபட்டு இறந்து கிடந்தார். இதுகுறித்து தகவல் கிடைத்ததும் சேலம் ரெயில்வே போலீஸ் சப்-இன்ஸ்பெக்டர் கோபண்ணா மற்றும் போலீசார் அங்கு விரைந்து சென்று விசாரித்தனர். இதில் அந்த நபர் ரெயில்வே தண்டவாளத்தை கவனக்குறைவாக கடந்த போது ரெயிலில் அடிபட்டு இறந்திருக்கலாம் என்று கருதுகின்றனர். இதுதொடர்பாக போலீசார் வழக்குப்பதிவு செய்து இறந்தவர் யார்?, எந்த ஊரை சேர்ந்தவர்? என்பது குறித்து விசாரணை நடத்தி வருகின்றனர்.