குளத்தில் மூழ்கி ஒருவர் பலி

புதுக்கோட்டை காந்திநகரை சேர்ந்தவர் கார்த்திகேயன் (வயது 40). இவர் அதே பகுதியில் உள்ள குளத்தில் நேற்று முன்தினம் குளித்த போது தண்ணீரில் மூழ்கி இறந்தார். இதுகுறித்து தகவல் அறிந்ததும் கணேஷ்நகர் போலீசார் விரைந்து சென்றனர். கார்த்திகேயனின் உடலை கைப்பற்றி பிரேத பரிசோதனைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். மேலும் இதுகுறித்து கணேஷ்நகர் போலீசார் வழக்குப்பதிவு செய்து விசாரணை நடத்தி வருகின்றனர்.